The Monoclo 喺2022年店主既小書房開始, 當時因為認識一啲意大利嘅服裝小廠商 所以萌生咗一個念頭 ~ 意大利服裝出名手工quality 好 但係價錢往往遙不可及, 市場上嘅選擇亦都比較少 所以我當時好想用親民嘅價錢 帶到呢一類高質素嘅貨品比大家認識同擁有 我哋一直都相信質素高唔一定代表價錢高
一開店已經有好多支持我哋嘅客人 最受歡迎的都有我哋嘅意大利皮革手袋 得到好多人對貨品嘅滿意同對小店嘅鼓勵 令到我更加相信當初呢個理念係正確的 就更加有動力去尋覓更加多靚貨
2023年 小店開始引入一啲同店舖理念相同嘅韓國貨品, 想比客人多一個層次嘅選擇 當初都係因為認識到一啲高質質素嘅檔口 所以想利用小店呢個平台同多啲人分享 。但係當時自己都知道意大利同韓國服裝style 都好唔同， 當時都會驚現有嘅客人會反感或者對店舖嘅理念有質疑 。不過自己都膽粗粗喺IG做咗個 poll, 了解一下大家對呢個新方向嘅諗法，意外地發現很多客人都非常支持同有所期待, 所以最後就決定引入韓國貨了
韓國貨嘅訂單安排預訂物流都比想像中需要更多時間精神, 當時意大利嘅運送時間同出產時間都長咗好多 所以慢慢就冇再推太多意大利貨 。自己係覺得可惜既 始終因為樣嘢係小店嘅初心, 因為呢啲原因而冇得再分享更加多貨品比大家會覺得對大家唔住 有段時間都會覺得迷惘
但係見到仲有客人對韓國貨品嘅興趣就會比多咗少少動力自己繼續做落去 意大利嘅出貨，唔係自己嘅控制範圍內 所以就用頂硬上嘅心態繼續run呢個店舖
去到今年兩週年 小店都仲係一間小小小店, 但係叫做浸咗兩年 對客人嘅認識深左 對店舖管理嘅了解多咗 所以決定行前一大步 開設網店, 概念係以gallery 嘅形式俾大家唔一定購買都可以欣賞貨品 。最近同意大利嘅廠商都有溝通。 小店都決定ready再次購入一啲新嘅意大利貨品, 希望大家密切期待